Zuid-Egeïsche Eilenq мimikh
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
De Zuid-Egeïsche Eilen (Grieks: Νότιο Αιγαίο, Notio Ejeo) is 'n periferie (vergeliekbaar mèt de regio's in Fraankriek) en 'n eilengróp in Griekeland.
Inhawd
- 1 Geografie
- 1.1 Eilen
- 2 Demografie
- 3 Departeminte
Geografie[bewirk | brón bewèrke]
De Zuid-Egeïsche Eilen höbbe 'n oppervlak vaan 5.286 km². 't Ligk tösse Turkije en Griekeland in. De laank oetgestrèkde Griekse kös vaan 't vasland dat tegeneuver de Zuid-Egeïsche Eilen ligk bevind ziech in de periferieë Attika en Centraol-Griekeland. Ouch ligke neve bepaolde Zuid-Egeïsche Eilen get Centraol-Griekse eilen, ten noorde de Noord-Egeïsche Eilen en ten zuie 't bekinde eiland Kreta. Vergeleke mèt Kreta en aander Egeïsche en Ionische Eilen is dees eilandgróp väöl minder populair.
Eilen[bewirk | brón bewèrke]
De Zuid-Egeïsche Eilen bestoon oet mer leefs zeventien (dèks onofficieel) eilen. De zeve bekinste eilen zien:
- Kos
- Rodos
- Delos
- Mikonos
- Naxos
- Santorini
- Siros
Aandere zien:
- Karpathos
- Kasos (polletiek 'n deil vaan Karpathos)
- Megisti
- Tilos
Demografie[bewirk | brón bewèrke]
Volges de census vaan 2011 höbbe de Zuid-Egeïsche Eilen 'n inwoenertal vaan 308.975, en 'n deechde vaan 58/km². De bevolking vaan de eilen bleef de aofgeloupe jaor constant. 't Groetste deil vaan de bevolking woent op ein vaan de zès groete eilen. De hoofstad is Hermoupolis.
Departeminte[bewirk | brón bewèrke]
Tot 2011 had de regio mer twie departeminte, die de rol vervölde vaan prefecture (nomos):
- de Cyclade
- de Dodekanesos
Nao 2011 woorte de Griekse departeminte regionale einhede, wat beteikende tot ze hun polletieke functie verlore. Noe gief 't väöl mie departeminte in de regio, naomelek 11.
 |
|
|---|---|
| Periferieë: Attika · Centraol-Griekeland · Centraol-Macedonië · Kreta · Oos-Macedonië en Thracië · Epirus · Ionische Eilen · Noord-Egeïsche Eilen · Peloponnesos · Zuid-Egeïsche Eilen · Thessalië · Wes-Griekeland · Wes-Macedonië | |
