n Gietelink mit n torenvalke Oorspronkelik laefgebied van de gietelink Gietelink in Nederlandsche Vogelen , Vol. 1 (1770) De gietelink (Latien: Turdus merula ) is n vogel uut de familie van de liesters ( Turdidae ). Veur de Nedersaksiese benäming gietelink worden der meerdere verklaoringen egeven, zo zol t van t Oldsaksiese woord geetfugal (letterlik: geitvogel) kunnen komen, dät later weer verbasterd is töt getelink , gietelink of n andere vörm; t zol van giebelen of giechelen kunnen komen, t geluud dät e maakt; weer anderen denken dät t zien oorsprong vindt in t woord gîhan (en-en-weer vliegen). De Nederlandse näme merel kömp van t Latiense woord merula . De gietelink is ien van de bekendste soorten van disse familie en daormet n typies veurbeeld van n zangvogel. De soorte turdus merula is nog es värder op-edeeld in enkele ondersoorten. Zo laeft op de Kanariese Eilanden de turdus merula cabrerae ; op de Azoren de Turdus merula azorensis die kleiner en donkerder is,...
Serbia
